Belgjika e ka nisur me këmbën e mbarë aventurën e EURO 2020. Ekipi i trajnerit Martinez, mposhti me rezultatin 3-0 Rusinë në sfidën e zhvilluar në Shën Petersburg.
Dopieta e Lukakut në minutat 10 dhe 88-të si dhe goli i Munie në të 34-tën, i siguruan 3 pikë të arta belgëve. Një fitore mëse e merituar kjo e Belgjikës, që kryeson grupin B, me golavarazh më të mirë se Finlanda.
Ekipi i Roberto Martinez është mes ekipeve pretendente për trofeun dhe tregoi forcën me Rusinë, në një ndeshje të dominuar dhe të konkretizuar me tre gola të shënuar.
