Futbollisti i Francës, Kingsli Koman është larguar nga grumbullimi me kombëtaren për të qenë i pranishëm në lindjen e fëmijës së tij.
Federata Franceze me pëlqim të trajnerit Deshamp nuk nguroi t’i japë leje Komanit për këtë moment të rëndësishëm në familjen e tij. Sulmuesi i Bajernit nuk u përdor farë në sfidën ndaj Gjermanisë, ndërsa Franca do të luajë ndeshjen e radhës ndaj Hungarisë ditën e shtunë.
Ndërkohë për të njëjtën arsye, portieri i Zvicrës, Jan Somer, mori leje nga kombëtarja menjëherë pas ndeshjes me Italinë mbrëmjen e djeshme.
