“Portugalia nuk është vetëm Cristiano Ronaldo, edhe pse është një nga lojtarët më të mirë në botë. Do të ishte një gabim të mendohej kështu”.
Këto kanë qenë fjalët e thëna në konferencë për shtyp nga mbrojtësi i Gjermanisë, Matthias Ginter, në prag të sfidës me luzitanët.
“Portugalia ka lojtarë të tjerë të rrezikshëm në sulm dhe të tjerë që mund të shënojnë duke u nisur nga mbrapa si Guerreiro, për shembull”, ka vazhduar Ginter.
“Të shtunën na pret një sfidë e rëndësishme, që duhet përballuar me ekuilibër duke e ditur se statistikat flasin në favorin tonë dhe duhet t’i konfirmojmë në fushë. Goditjet standarde? E dimë se duhet të përmirësohemi në këtë aspekt, sepse mund të vendosin fatin e një ndeshje”.
