Ruslan Malinovskyi, fantazist i Ukrainës dhe Atalanta-s, ka dhënë një intervistë interesante për kanalin Youtube Вацко Live.
“Lojtari më i fortë i Serisë A? Sigurisht nuk do të them Ronaldo. Seria A ka shumë lojtarë më të fortë se ai”, ka thënë 28-vjeçari.
“Por mund të them se lojtari më i fortë me të cilin kam luajtur është padyshim Muriel. Një lojtar i pabesueshëm. Nëse gjërat do të kishin shkuar ndryshe, do të kishte luajtur për një skuadër si Barcelona”.
Në lidhje me kundërshtarët:
“Mes kundërshtarëve që më pëlqejnë më shumë është Zielinski i Napoli-t. Mendoj se është një futbollist shumë i fortë: është një lojtar që lëviz shumë, teknik dhe i zgjuar. Është shumë i vështirë të luash kundër tij. Seria A ka shumë lojtarë të fortë, por mua më pëlqen Zielinski”, ka përfunduar Malinovskyi.