Arturo Vidal nuk do të jetë pjesë e ekipit kombëtar të Kilit në sfidën ndaj Argjentinës të enjten, pasi ka rezultuar pozitiv me Covid-19.
Lajmin e ka bërë të ditur vetë Federata e Kilit në një deklaratë për mediat, ku thekson se mesfushori i Interit nuk do të jetë pjesë e skuadrës në ndeshjen ndaj Argjentinës në turin për kualifikimin në Kupën e Botës.
“Mjekët e ekipit kombëtar të Kilit bëjnë me dije që lojtari Arturo Vidal u diagnostikua pozitiv me Covid-19 pas tamponit të kryer të hënën më 31 maj”.
Vidal mori vaksinën anti-Covid tre ditë më parë, ndërsa dje pas vizitave mjekësore rezultoi pozitiv me Koronavirus. Ai është shtruar në spital Covid në Santiago në Kili.
