Me gjestin e tij ka kontribuar në shpëtimin e jetës së Eriksen, Simon Kjaer është bërë një hero për të gjithë botën e futbollit dhe tani Milan-i dhe tifozët kuqezinj duan t’i tregojnë mirënjohjen e duhur.
Aq sa duket se është marrë vendimi për t’i dhënë shiritin e kapitenit kuqezi për sezonin e ardhshëm. Jehona mediatike për sjelljen e mbrojtësit danez ka qenë e madhe dhe nga rrjetet sociale është ngritur një thirrje e vetme: “Kajer, kapiten i Milan-it”.
Një zë popullor që klubi duket se do ta dëgjojë.
Do të ishte mirënjohja e duhur jo vetëm për gjestin e madh, por edhe për një lojtar që po tregon cilësi prej lideri të vërtetë brenda dhe jashtë fushës së lojës.