Pas atakut kardiak që pësoi në fushë hipoteza të shumta dolën mbi gjendjen e Kristian Eriksen madje aludimet shkuan më tej duke hedhur hipoteza mbi vaksinimin e danezit me Covid-19.
Një ish-reporter që numëron 270 mijë ndjekës në ‘’Twitter’’ ka postuar një lajm të rremë të marrë nga një burim i gabuar ku thuhej se Eriksen ishte vaksinuar në datën 31 maj në qendrën mjekësore të Interit.
Sipas postimit, lajmi ishte konfirmuar dhe nga shefi i mjekësisë dhe kardiologu i skuadrës zikaltër duket rritur dhe më tepër dyshimet mbi gjendjen e Eriksen.
Por gjithçka u hodh poshtë më pas teksa u përgënjeshtrua lajmi se Kristian Eriksen kishte marrë vaksinën e cila mund t’i kishte shkaktuar dhe shokun që pësoi në fushën e blertë në sfidën ndaj Finlandës.
Postimi i reporterit është bërë viral duke ndezur shumë teori pasi vetë mjeku i qendrës spitalore ku është i shtruar Eriksen në Danimarkë u shpreh se nuk dihej ende se cila është arsyeja e vërtetë që mesfushori pësoi atak kardian në fushë.
