Pasi triumfuan ndaj Kroacisë falë golit të Rahim Stërling, trajneri i Anglisë, Gereth Sauthgejt ka folur pas ndeshjes në mikrofonat e “BBC Radio 5”, duke thënë se ndihet i lumtur për këtë sukses, por ende kombëtarja e “3 Luanëve” nuk është kualifikuar:
“Të fitosh ndeshjen e parë të ndihmon, të ul tensionin që është shumë e rëndësishme. Kjo nuk do të thotë që jemi kualifikuar.
Më ka pëlqyer paraqitja që kemi kryer sot, e kemi limituar lojën e Kroacisë. Ata luajnë një lojë të shkëlqyer, jam i lumtur për çdo lojtar të Anglisë që u bë pjesë e lojës.
Rikthimi i tifozëve në stadiume? Është një ditë e madhe për anglezët. Nëse nuk fiton ndeshjen e parë, presioni rritet.
Por kemi edhe dy ndeshje të tjera që janë me të vërtetë shumë të vështira dhe sot kemi kompletuar një hap të rëndësishëm përpara.”, përfundoi Sauthgejt.