Do të startojë në orën 18:00, në stadiumin “Estadio de La Cartuja” të Sevijas, sfida e raundit të tretë në Grupin E të EURO 2020, Slovaki-Spanjë.
Kombëtarja iberike pas dy barazimeve dhe dy paraqitjeve poshtë pritshmërive do të tentojë vetëm fitoren për të evituar një dështim të madh duke mos u kualifikuar për në raundin me eliminim direkt.
Slovakia e cila vjen pas fitores ndaj Polonisë dhe disfatës ndaj Suedisë, gjithashtu synon vetëm triumfin për të vazhduar rrugëtimin më tej në EURO 2020.
LIVE/ Sllovaki – Spanjë 0-5
Dubravka 30′ (autogol), Laporte 45+3′, Sarabia 56′, Ferran Torres 67′, Kuçka 71′ (autogol)
KOMENTI LIVE:
84′ Iberikët nuk heqin dorë nga sulmet e rrezikshme, teksa kërkojnë të thellojnë gjithnjë e më tepër rezultatin.
77′ Spanja kryen edhe 2 zëvendësimet e fundit, largohen nga fusha, Moreno dhe Azpilikueta, në lojë Traore dhe Ojarzabal.
71′ GOOOOOL SPANJA 0-5/ Kombëtarja e Luis Enrikes e papërmbajtshme! Vjen edhe goli i pestë. Pas topit të goditur me kokë nga Pau Torres, mesfushori i Sllovakisë, Kuçka e devijon drejt portës së tij, duke shkaktuar autogol.
71′ Trajneri Enrike, kryen edhe 2 zëvendësime të tjera, largohen nga fusha Buskets dhe Garsia, në lojë Alkantara dhe Pau Torres.
69′ Sllovakia kryen 2 zëvendësime, largohen nga fusha Mak dhe Haraslin, në vend të tyre Veis dhe Suslov.
67′ GOOOOL SPANJA 0-4/ Iberikët realizojnë edhe të katërtin me anë të Ferran Torres. I sapofutur në fushë, sulmuesi shënon me prekjen e parë të topit, pas asistit fantastik të Pedrit.
66′ Zëvendësim te Spanja, largohet nga fusha, Morata, vendin e tij e zë Ferran Torres.
56′ GOOOOOL SPANJA 0-3/ Kombëtarja e Luis Enrikes e papërmbajtshme. Realizon edhe golin e tretë me anë të futbollistit Sarabia, i cili godet saktë pas asistit të Zhordi Albës nga e majta.
46′ Starton pjesa e dytë, Sllovakia kryen 2 zëvendësime, largohen Duda dhe Hromada, në vendin e tyre Duris dhe Lobotka.
Mbyllet pjesa e parë!
45+3′ GOOOOOL SPANJA 0-2/ Iberikët dyfishojnë shifrat pas një këmbëngulje të Morenos, që harkon bukur për Laport brenda zonës, që godet saktë me kokë, duke realizuar golin e qetësisë.
45′ Akordohen 4 minuta shtesë.
45′ Provon edhe Koke me një gjuajtje nga distanca, por tentativa e mesfushorit shkon ngjitur me shtyllëm. Pranë golit të dytë spanjollët.
40′ Ndëshkohet edhe kapiteni i Spanjës, Serxho Buskets me karton të verdhë.
30′ GOOOOL SPANJA 0-1/ Zhbllokohet sfida! Portieri Dobravka shkakton një autogol të çuditshëm. I pafat portieri sllovak, i cili pak minuta më parë i priti penalltinë Moratës.
24′ Tjetër tentativë e Moratës, por portieri Dubravka i thojtë “jo”, sulmuesittë Juventusit, duke grushtuar rrezikun në goditje nga këndi.
19′ Pas një harkimi nga e djathta, as Morata dhe as Pedri, nuk arrijnë ta prekin pak topin për ta dërguar në rrjetë.
17′ Dominim absolut i Spanjës në këto minuta, kombëtarja e Luis Enrikes ushtron presion të vazhdueshëm në zonën e Sllovakisë, por pa mund të gjejë rrugën e rrjetës deri më tani.
11′ Vazhdon mallkimi i Spanjës për 11-metërshat. Kësaj here ishte Alvaro Morata që gaboi, gjuajtja e tij u ndal nga portieri Dubravka. Vlen të theksohet fakti se penallti u fitua nga Koke, pas ndërhyrjes së gabuar nga Satka.
6′ Tjetër tentativë e iberikëve, kësaj here ishte Zherard Moreno, që harkoi një top të rrezikshëm në zonë për Moratën, por i vëmendshëm portieri kundërshtar.
5′ Spanja krijon shansin e parë të rrezikshëm me Moratën, por tentativa e sulmuesit ka shkruar jashtë kuadratit.
1′ Ka nisur sfida!
