Mesa duket, Kilië Mbape nuk është në kushtet optimale për të luajtur në Europian. Të mos keqkuptohemi, nuk është se ka ndonjë problem fizik.
Shqetësimi i sulmuesit është i një tjetër natyre. Mediat franceze bëjnë të ditur se ai ka kërkuar largimin nga PSG-ja sepse planifikon të transferohet te Reali i Madridit dhe për këtë plan duket se nuk po gjen mbështetjen e klubit parisien.
Në ditët e fundit Mbape ka qenë shumë i shpërqendruar, pavarësisht se Franca sot do të luajë një ndeshje tepër të rëndësishme. Për ta qetësuar, trajneri Deshamp ka folur disa herë në ditët e fundit me yllin e tij, teksa ka vendosur t’i besojë edhe goditjen e dënimit.
Më parë ai ekzekutonte vetëm ato në pjesën e majtë të fushës, teksa siç u pa ndaj Hungarisë, Grizman u detyrua t’i “dhuronte” edhe ato në gjysmën e djathtë të terrenit. Sulmuesi i Barcelonës nuk e ka marrë shumë mirë këtë vendim, teksa pas Zhirusë (u ankua se Mbape nuk e shërbente) bëhet i dyti lojtar që ka “probleme” me 22-vjeçarin e PSG-së.
