Me shumë gjasa, Esin Hakaj do të ndjekë rrugën e Erald Çinarit dhe do të transferohet tek skuadra turke e Samsunsporit.
Këtë fakt e ka zbuluar media turke ‘’Haber1965.com’’ e cila ka shkruar se është arritur marrëveshja midis klubit dhe futbollistit dhe shumë shpejt do të vijë dhe zyrtarizimi.
Hakaj mbylli kontratën me Partzanin pasi nuk gjetën gjuhën e përbashkët për rinovimin e kontratës, ku pretendimet për rrogën nga ana e shkodranit ishin vërtet të larta.
Esin Hakaj ishte një ndër futbollistët më të rëndësishëm të Partizanit duke u aktivizuar në 38 ndeshje me ‘demat e kuq’ në të gjithë kompeticionet.
