Lionel Mesi do të zgjasë kontratën e tij me skuadrën e Barcelonës për dy vitet e ardhshme. Këtë lajm e ka publikuar “El Chiringuito”, ku deklaron se “Pleshti” i cili është në skadencë kontrate në 30 qershor do të firmosë për 2 vite me skuadrën blaugrana pas gjetjes së akordit me Hoan Laportën.
Sipas asaj që raportohet thuhet se mungon firma dhe zyrtarizimi nga ana e yllit argjentinas që priten të vijnë direkt pas përfundimit të Kupës së Amerikës, ku 6 herë fituesi i “Topit të Artë” është i impenjuar me Argjentinën e tij.
Tani nuk ka më dyshime, pas fjalëve të shumta që Mesi do të largohej tani më çdo gjë merr fund, Mesi do të jetë blaugrana edhe për dy vitet e ardhshme.
