Esin Hakaj mund të quhet lojtar i Samsunspor në Turqi. “Panorama Sport” mëson se e ardhmja e mbrojtësi shkodran do të jetë tek ekipi turk, me palët që kanë gjetur akordin për të nënshkruar kontratën.
Hakaj nuk rinovoi me të kuqtë dhe sot do t’i vijë edhe kontrata zyrtare nga Turqia, me Hakajn që pritet të firmosë. Në garë për shërbimet e tij ishte edhe Vllaznia, me sponsorin Xhaferi që ishte gati të plotësonte kushtet e 24-vjeçarit.
Pas Çinarit, Samsunspor duket se do të prezantojë së shpejti edhe Hakajn. Sezonin e shkuar Hakaj luajti 35 nga 36 ndeshjet e Partizanit si titullar, duke munguar në vetëm një sfidë, të fundit kundër Bylisit.
