Interi ka patur dje një takim në zyrat e klubit me agjentin e Andrea Petanjas, Xhuzepe Rizo. Sulmuesi i Napolit nuk ndihet i lumtur tek skuadra e kaltër dhe nga trajneri Luçiano Spaleti shihet si një alternativë e tretë e sulmit, pas Viktor Ozimhen dhe Dris Mertens.
Ish-lojtari i Milanit, Atalantës dhe SPAL-it, nuk është i pashitshëm dhe skuadra zikaltër do të duhet të mposhtë konkurrencën edhe të Juventusit që e ndjek lojtarin prej kohësh.
Sipas asaj që raporton “TuttoMercatoWeb.com”, tratativa mund të marrë jetë gjatë javëve të ardhshme.
Petanja me fanellën e Napolit gjatë sezonit të kaluar është aktivizuar në total në të gjitha kompeticionet në 36 ndeshje nga ku ka realizuar 5 gola dhe ka dhuruar dhe 3 asist.
