Jo vetëm te Gjilani, eksodi i largimit të futbollistëve që në të kaluarën janë aktivizuar në futbollin shqiptar, ka prekur edhe klubin e Drenicës.
Donald Rapo, Erlis Frashëri, Behar Ramadani, Harrallamb Qaqi, Dionis Çikani dhe Klevis Shaqe nuk do të jenë më pjesë e klubit kuqezi që militon në elitën e futbollit kosovar.
I vetmi ish i Superiores, që i ka mbijetuar këtij eksodi, është mbrojtësi Eglentin Gjoni, i cili vazhdon të jetë pjesë e Drenicës, të gjithë futbollistët e tjerë, që më së shumti u afruan nga trajneri Bledar Devolli, kanë ndërprerë marrëveshjen e bashkëpunimit.
