Fabio Borini nesër do të shijojë për herë të fundit grumbullimin me Milanin, pasi me shumë gjasa viti i ri do ta gjejë në një ekip të ri. Sulmuesi është gati të largohet nga kuqezinjtë,pasi që me ardhjen e Piolit nuk ka zbritur më kurrë në fushë.
Lajmin e ka konfirmuar menaxheri i futbollistit. Duke folur për “Radio Rossonera”, Roberto De Fanti ka shpjeguar: “Fabio nuk është më i lumtur, por situatën në ekip e ka kuptuar. Jemi në bisedime me klubin për të gjetur një zgjidhje. Në Itali apo Angli nuk e dimë akoma, por zgjidhjet nuk na mungojnë. Sigurisht, shpresonim që aventura te Milani të zgjaste më tepër, por pas 75 prezencash në dy sezone, këtë vit situata ka ndryshuar”.
