Bruno de Oliveira Soza, është afrimi i radhës te Vllaznisë në prag të përgatitjeve për Ligën e Konferencës. Mbrojtësi brazilian, është bashkuar ditën e sotme me skuadrën shkodrane, në seancën stërvitore të zhvilluar në fushën sportive të Golemit.
25-vjeçari aktivizohet në krahun e majtë të mbrojtës, teksa si fillim do të jetë në provë, do të vlerësohet nga stafi teknik, nëse do të vazhdojë të jetë pjesë e kuqebluve apo jo.
Ndërkohë vlen të theksohet fakti se në ditët në vijim shkodranëve pritet t’iu bashkohet edhe një tjetër futbollist brazilian, emri i të cilit nuk është bërë publik për momentin. Për sa i përket Bruno De Oliveria Sozës ai në të kaluarën është aktivizuar me disa klube braziliane.
