Turqia do të përballet me Italinë në ndeshjen hapëse në Euro 2020.
Portieri i kombëtares së Turqisë, Ugurcan Cakir, ka folur në lidhje me ndeshjen që do të luhet të premten e ardhshme në Romë.
“Italia është një kombëtare me një traditë të madhe. Është një ndeshje që përgatitet në mënyrë të veçantë për shkak të nivelit të kundërshtarit”, ka thënë Cakir.
“Kemi parë çdo ndeshje të kundërshtarëve tanë në çdo detaj. Fanella e kombëtares vjen para gjithçkaje, tifozët tanë duhet të kenë besim te ne”.
“Ekziston një atmosferë familjare shumë e mirë brenda skuadrës. Kur kjo ndodh, vjen suksesi”.
