Nuk ka më dyshime, Xhanluixhi Donaruma do të jetë pjesë e PSG-së në sezonin tjetër. Marrëveshja mes palëve është arritur dhe tashmë ka mbetur vetëm zyrtarizimi.
Gjithashtu thuhet se ditën e sotme portieri italian do të kryejë edhe vizitat mjekësore me klubin francez.
Pasi të jetë mbyllur gjithçka do të vijë edhe zyrtarizimi për këtë lëvizje. Donaruma largohet kështu nga Milani si një lojtar i lirë, pasi i përfundon kontrata në fund të këtij muaji dhe palët nuk kanë arritur një marrëveshje për rinovimin e saj.
