Kampion i Europës me Chelsea-n dhe protagonist në Italinë e Mancini-t në Euro 2020, Jorginho po shijon momentin e bukur duke i mbajtur këmbët në tokë:
“Topi i Artë? Sinqerisht nuk mendoj për këtë sepse për mua grupi vjen para gjithçkaje, të gëzosh me shokët e skuadrës është më i rëndësishëm se të gëzosh vetëm. Fitorja e grupit është më e rëndësishme”, ka thënë Jorginho.
Të premten do të jetë çerekfinalja me Belgjikën në Mynih:
“Belgjika duhet respektuar, por të gjitha skuadrat kanë pikat e tyre të dobëta. Si ndalet De Bruyne? Trajneri Mancini nuk më ka kërkuar këshilla. Ka një zgjuarsi të nivelit të lartë për sa i takon futbollit, jashtë normales. Nuk i duhet dhënë hapësirë për t’u kthyer me fytyrë nga porta”.
