Në ditën e tretë të përgatitjeve në Cardif për miqësoren me Uellsin në datë 5 qershor, trajneri i përfaqësueses, Edy Reja po i jep dorën e fundit përgatitjeve, duke filluar që nga përgatitja teknike e deri në atë mentale.
Megjithatë, krahas seancave stëvitore kuqezinjtë kanë pasur edhe disa orë relaksi dhe për këtë ka menduar tekniku italian. Sikurse duket edhe në videon e shpërndarë nga FSHF, kombëtarja ka marrë rolin e një kori orkestre, me dirigjent trajnerin Reja.
Prova që duhet kaluar është këndimi i himnit kombëtar. Sukses i plotë i grupit kuqezi, bashkë me dirigjentin Reja. Karikimi i duhur para përballjes me Uellsin, më 5 qershor, në “Cardiff City Stadium”, ora 17:00.