Ish-presidenti i Interit, Erik Tohir është shprehur në një dalje të tij se qëndron dëshira e madhe për të blerë përsëri Interin, por pandemia e ka bërë të vështirë çdo gjë.
“Tundimi për të rimarrë Interin është përsëri, veçanërisht pasi fituan titullin kampion të Serisë A. Por me pandeminë akoma në zhvillim, do të ishte e vështirë të realizohej diçka e tillë”, u shpreh Tohir.
Biznesmeni indonezian qëndroi në krye të zikaltërve për gati 5 vite, pasi e bleu në vitin 2013 klubin nga Milano dhe e shiti përfundimisht tek kinezët e Suning në vitin 2018.
Nën dirigjencën e indonezianit Interi nuk arriti nivelet e saj më të larta pasi investimet ishin të pakta dhe të një niveli të dobët duke marrë parasysh dhe revolucionin e madh që pësuan zikaltrit pas fitimit të Tripletës në vitin 2010.
