Osman Dembele u dëmtua në ndeshjen ndaj Hungarisë, duke mbyllur kështu Europianin me Francën. Problemi i sulmuesit ishte serioz dhe tashmë ai do i nënshtrohet një operacioni, që pritet ta mbajë jashtë fushave të blerta për rreth 4 muaj.
Megjithatë duket se Barcelona do të ketë edhe disa përfitime në aspektin financiar, nga ky dëmtim i Dembele.
Në një rregull të FIFA-s, thuhet se në rast se lojtarët dëmtohen në ndeshje ndërkombëtare dhe kompeticione madhore, paga e tyre duhet të kompensohet te klubet, për maksimumi një vit.
Në këtë situatë, Barcelona do ta marrë nga FIFA 20.548 euro në ditë për gjithë kohën që do të mungojë Dembele. Në rast se francezi do të mungojë 4 muaj, ashtu siç përflitet, atëherë klubi katalanas do të marrë 2.5 milionë euro në total.
