Nuk ka më dyshime, Karlo Ançeloti do të jetë trajneri i ri Real Madrid. Lajmin e bëri të ditur vetë klubi madrilen ndërmjet llogarisë së tyre në “Twitter” duke i uruar mirëseardhjen teknikut italian.
Ndërkohë vet Ançeloti ka reaguar për këtë çështje duke uruar më të mirën klubit të tij Everton teksa transferimin tek Real e cilësoi si një lëvizje të papritur.
“Unë kam respekt të plotë për këdo që lidhet me klubin e Everton dhe shpresoj më të mirën për ta si klub. Everton më pëlqente shumë, por u gjenda para një oferte të papritur dhe mendova se ishte lëvizja e duhur për mua dhe familjen time”.
Italiani do të jetë në krye të madrilenëve për 3 sezonet e ardhshme, teksa kjo lëvizje është pritur me bujë të madhe në botën e futbolli.
