Shorti i hedhur në Nion të Zvicrës ditën e sotme, vendosi Teutën përballë kampionëve të Moldavisë, Sherif Tiraspolit. Këta të fundit janë një skuadër e njohur për tifozët shqiptarë, pasi në të kaluarën kanë eliminuar Kukësin.
Në 2017, Sherifi mposhti në ndeshjen e parë Kukësin 1-0 në Moldavi në ndeshjen e parë, ndërsa në ndeshjen e kthimit verilindorët triumfuan 2-1, por nuk mjaftoi për të kaluar në turin e dytë eliminator në Ligën e Kampioneve.
Vlera e kampionëve moldavë në treg është 10.3 milionë euro, ndërsa si klub janë themeluar në 1996, ku kanë arritur të fitojnë 19 tituj kampionë, 10 Kupa dhe 7 Superkupa të vendit.
Në renditjen e përgjithshme të UEFA-s, Sherifi mban vendin e 108 me 14.500 pikë. Gjithashtu kanë luajtur në grupet e Ligës së Europës 4 herë.