Federata e Futbollit të Danimarkës, nëpërmjet një komunikate zyrtare të bërë së fundmi,. Ka njoftuar se kanë folur me Kristian Eriksenin, i cili sipas tyre ka mbështetur shokët e tij të ekipit.
Një komunikatën e Federatës bëhet me dije se gjendja shëndetësore e lojtarit është e stabilizuar dhe vazhdon të jetë në spital.
“Këtë mëngjes kemi folur me Kristian Eriksen, i cili i ka dërguar përshëndetjet e tij shokëve të skuadrës. Gjendja e tij është e stabilizuar dhe ai vazhdon të jetë i shtruar në spital për ekzaminime të mëtejshme shëndetësore.
Skuadra dhe stafi i ekipit kombëtar ka marrë asistencë për situata krize dhe do të vazhdojë të jetë në mbështetje të njëri-tjetrit pas incidentit të djeshëm.
Do të dëshironim të falënderonim të gjithë për urimet e ndjera ndaj Eriksen nga tifozët, lojtarët, familjet mbretërore të Danimarkës dhe Anglisë, federatat, klubet, etj.
Ne i ftojmë të gjithë të dërgojnë mesazhet e tyre në Federatën e Futbollit të Danimarkës, ku do të sigurohemi që ato do t’i kalojnë Kristian Eriksen dhe familjes së tij”, thuhet ne komunikate.
