Portugalia humb një lojtar shumë të rëndësishëm për Euro 2020. Mbrojtësi Zhoao Kanselo ka rezultuar pozitiv me Covid-19 dhe për këtë arsye nuk do të jetë pjesë e kombëtares për Europianin.
Një mungesë e rëndësishme për trajnerin Santos, pasi ishte një nga titullarët e rëndësishëm të skuadrës. Mbrojtësi është izoluar menjëherë për të mos rrezikuar përhapjen te të tjerët.
Vendin e Kanselos te Portugalia do e marrë mbrojtësi tjetër, Diogo Dalo. Ky i fundit zhvilloi një sezon të mirë me Milanin, ku luajti i huazuar nga Mançester Junajtidi. Dalo është bashkuar me Portugalinë dhe tashmë do të luajë në Europian, pasi u la jashtë liste fillimisht.
