Foden gjithashtu bashkohet me premtimet e çuditshme, në rast të fitimit të Kampionatit Europian. Mesfushori i Manchester City është midis të parëve, që karakterizohej nga një prerje flokësh ndryshe në prag të turnout. Ai u bë bjond, duke imituar një model flokësh si Paul Gascoigne. Siç raportohet nga “The Sun”, ai tha që, nëse “Tre Luanët” do të ngjiten në majën e Europës, të gjithë shokët e skuadrës do të ndryshojnë pamja e tyre, duke u përshtatur me stilin e tij të flokëve bjondë.
25 vite pas golit të Gascoigne ndaj Skocisë, që i dha fillimin udhëtimit deri në gjysmëfinalen e “Euro 1996”, Foden ka vendosur që të ripropozojë të njëjtën ngjyrë të flokëve, me numrin 8. Dhe shokët e kombëtares janë të gatshëm të ndjekin hapat e tij, por vetëm me një kusht të caktuar: fitimin e Europianit. Kjo do t’i jepte fund 55 viteve të pritjes për një trofe të rëndësishëm.
“Unë iu thashë bashkëlojtarëve të ekipit që, nëse fitojmë Europianin, duhet t’i presin flokët e tyre si unë. Të gjithë janë dakord. Shpresoj të fitoj edhe për këtë arsye. Do të ishte kënaqësi e madhe ta shikoja të gjithë ekipin me të njëjtën model flokësh”.
HISTORIKU – Argëtuese, pa dyshim. Origjinale, më pak. Diçka e tillë tashmë është parë. Dhe britanikët mbajnë mend shumë mirë si Rumania u paraqit në 1/8 finale kundër Kroacisë, krejtësisht bjonde. Supersticioni, megjithatë, nuk solli shumë përfitim, duke marrë parasysh se në ndeshjen me eliminim direkt kombëtarja rumune pësoi më të keqen. Nuk shkoi shumë më mirë as për Meksikën, e cila në vitin 2014 premtoi të… zbardhte flokët në rast kualifikimi.
Grupi nuk ishte i lehtë me Kamerunin, Kroacinë dhe Brazilin. Në çdo rast, ekipi kombëtar i Amerikës Qendrore, siç ka ndodhur pothuajse gjithmonë, është në mesin e 16 më të mirëve. Në sfidën kundër Hollandës, Javier Hernandez dhe shokët e ekipit meksikanë u shfaqën bjondë, por bestytnia nuk funksionoi. Holland mbizotëroi lojën, fitoi 2-1 dhe madje shkoi aq larg, sa të luajë finale kundër Spanjës.
