Humbja turpëruese ndaj Çekisë dhe eliminimi i hershëm nga Europiani ka qenë fatal për trajnerin Frank De Bur i cili ka vendosur të largohet nga drejtimi i “tulipanëve”.
Lajmi u bë i ditur nga agjenti i njohur Fabricio Romano i cili u shpreh se De Bur i ka shprehur federatës vendimin për tu larguar.
Tekniku holandez largohet kështu mes polemikash për zgjedhjet e tij në formacion dhe rreshtimin jo komod të një kombëtareje me emër si Holanda duke marrë dhe kritika të shumta. Vetëm 1 sezon zgjati aventura e De Bur në stolin e Holandës, e ardhmja e të cilit tanimë nuk dihet ende.
