Ajaksi është surpriza më e bukur e këtij edicioni të kompeticionit të “UEFA Champions League” duke arritur me një meritë të padiskutueshme në fazën e gjysmëfinaleve të këtij eventi.
Pas kualifikimit të merituar përballë Realit të Madridit, ekipi Holandez bëri mrekullinë dhe në sfidën e sotme në Torino përballë Juventusin duke i eleminuar në fushën e tyre.
Një skuadër që meriton të gjitha komplimentet për mënyrën e kualifikimit dhe lojës spektakolare të zhivlluar duke e dominuar totalisht takimin dhe pse luhej në fushë kundërshtare dhe kishte jo në favor rezultatin pasi sfida e parë në fushën e tyre kishte përfunduar me shifrat 1-1.
Edhe pse të besuarit e trajnerit Ten Hag u gjendën të parët në disavantazh që në minutën e 28-të me Ronaldon që mposhti me kokë Onanan duke krijuar përshtypjen se Juve ishte me një këmbë në gjysmëfinale, gjithçka rezultoi e kundërt.
Pas pësimit të golit gjithçka goli për Ajaksin që barazoi gjithçka në minutën e 34-të me anë të van De Beek që e mbylli pjesën e parë në shifrat e barabarta.
Pjesa e dytë ishte e gjitha për Ajaksin që krijoi një numër të madh rastesh për shënim me Zyech, Tadic dhe Neres që u ndalën dhe me meritë të Schezny. Por në të 67-ën minutë do të ishte De ligt që shpërthen në festë lojtarët dhe tifozët e Ajaksit duke shënuar me kokë.
Një gol që i mjaftoi Ajaksit për të siguruar kualifikimin e madh për në gjysmëfinale, ndërsa Juventusi merr një tjetër eleminim të hidhur.
Ndërkohë, për në gjysmëfinale është kualifikuar dhe Barcelona që mposhti me shifrat 3-0 ekipin Manchester United.
Golat për skuadrën e Barcelonës u shënuan nga Messi që realizoi një dopietë dhe Coutinho që i dhanë kualifikimin katalanasve.