Amir Abrashi është lojtari më i ri i Grasshoper. Ka qenë vetë klubi zviceran që ka njoftuar firmën me mesfushorin e Kombëtares shqiptare.
Abrashi rikthehet kështu te Grasshoper, aty ku shpërtheu para 11 viteve. 31 vjeçari kaloi 5 sezone me zviceranët para se të transferohej në Gjermani tek Frajburgu.
Abrashi kalon te Grasshoperi si lojtar i lirë, pasi i përfundoi kontrata me Frajburgun dhe ka firmosur për dy vite.
“Gjithmonë kam dashur të rikthehet te Grasshoperi dhe tani ishte koha e duhur për ta bërë këtë. Mezi po pres të rikthehem në shtëpi”, tha Abrashi në fjalët e para pas zyrtyarizimit.
