Sulmuesi i Manchester United, Anthony Martial, ka qenë “viktimë” i një seance pyetje/përgjigje mes Thibaut Courtois dhe Jan Vertonghen, respektivisht portier dhe mbrojtës i Belgjikës.
Të dy kanë qenë protagonistë të disa pyetjeve dhe përgjigjeve, të drejtuara nga mbrojtësi i Benfica-s për Pickx Sports.
Vertonghen ka pyetur portierin e Real Madrid që të përmendte yjet që nuk kanë marrë pjesë në Europian.
Courtois ka përmendur vetëm ish-shokun e tij të skuadrës Sergio Ramos, i cili nuk është grumbulluar nga Spanja, ndërsa Vertonghen e ka kompletuar përgjigjen duke lexuar emrat që kishte shkruar në letër:
“Haaland, Martial, Ter Stegen, Van Dijk, Zaniolo, Kean, Dzeko, Oblak, Pjanic…”.
I menjëhershëm reagimi i Courtois: “Martial? Është me të vërtetë një yll?”.
