Një tjetër treshe gjyqtarësh shqiptarë do të vendosë drejtësi në Ligën e Konferencës. Kësaj herë në Rusinë e largët! UEFA i ka besuar, Enea Jorgjit, Rejdi Avdos dhe Ridiger Çokajt, sfidën mes Soçit dhe Keshlës, që do të luhet në impiantin modern “Fisht Stadium” në Soçi, ku në vitin 2018-të u zhvilluan disa përballje të Botërorit.
Kujtojmë që më herët në raundin e parë të Ligës së Konferencës, u angazhuan edhe gjyqtarët Xhaja e Hamiti, ndërkohë që tashmë është radha e Enea Jorgjit dhe dy asistentëve Avdo e Çokaj.
