Tifozët qipriotë të skuadrës së AEL Limasolit janë të bindur se skuadra e tyre do të kualifikohet për në turin e tretë të Ligës së Konferencës.
Në një sondazh të bërë në mediat vendëse rezultonte deri dje në mbrëmje se 91% e tifozëve besonin te kualifikimi i skuadrës së tyre, ndërsa vetëm 9% nuk kishin besim se AEL-i do të kalojë turin.
AEL-i ka një buxhet vjetor 5 herë më të madh sesa Vllaznia dhe 52% e tifozëve janë të bindur se skuadra e tyre do të mbyllë llogaritë me shkodranët që në ndeshjen e parë duke votuar për një fitore me të paktën 2 gola diferencë. Në fakt, me dy gola diferencë fitoi edhe Shiroki në ndeshjen e parë, por Vllaznia i eliminoi duke u shënuar 3 gola në Shkodër.