Legjenda e futbollit argjentinas Oscar Ruggeri nuk i ka kursyer kritikat ndaj Neymar, kundërshtari i ardhshëm i Argjentinës në finalen e Copa America.
Ish-mbrojtësi kampion bote në Meksikë ’86 me Seleçion, është acaruar shumë më sjelljen e yllit të PSG në fushë gjatë këtij edicioni të Copa America dhe veçanërisht në ndeshjen e fituar 4-0 nga Brazili kundër Perusë në grup.
“Nuk ka asnjë kod nderi në fushë”, ka thënë Ruggeri për ESPN.
“Po tallej me kundërshtarët kur rezultati ishte 4-0, unë do ta kisha goditur me një shkelm. Kur shikon një kundërshtar të shkatërruar dhe ndeshja është e mbyllur, nuk mund ta bësh një gjë të tillë”, ka shtuar ish-kampioni i botës.
Në lidhje me finalen e ardhshme kundër Argjentinës dhe sfidës me Messi-n:
“Janë të ndryshëm, Neymar nuk do të jetë kurë si Leo”.
