Pas largimit të Vinçenzo Italianos drejt Fiorentinës, Specia është vënë pas një trajneri dhe emri më i përfolur për momentin është ai i Tiago Motas.
Ish-futbollisti i Interit dhe Barcelonës ka dalë si një emër surprizë ditën e sotme. Lajmin ë bëri të ditur eksperti Xhanluka Di Marzio duke treguar dhe disa detaje shtesë mbi këtë marrëveshje që pritet të konkretizohet.
Te Specia aktivizohet dhe mbrojtësi i Kombëtares, Ardian Ismajli duke qenë një ndër shtyllat e ekipit.
Kjo do të ishte puna e tretë si trajner për ish-mesfushorin i cili pas një eksperience të shkurtër me të rinjtë e PSG-së dhe Xhenoan është pranë rikthimin në Serinë A.
39-vjeçari ka luajtur për disa skuadra të mëdha në karrierë si PSG, Inter, Atletiko Madrid e Barcelona teksa u tërhoq nga futbolli në vitin 2018.
