Në orët e para të mëngjesit Argjentina mundi me rezultatin 1-0 Brazilin falë golit të Angel Di Marias i cili i dha kombëtares “Albiceleste” trofeun e Kupës së Amerikës.
Menjëherë pas vërshëllimës së arbitrit kryesor, lojtarët shpërthyen në festë si brenda dhe jashtë fushe.
Në një video të kapur nga autori i golit, Di Maria shfaq në dhomën e zhveshjes festën e çmendur të Argjentinës pas këtij suksesi.
Ky trofe ishte i pari dhe për Lionel Mesin i cili thyen dhe mallkimin që kishte për këtë kupë.