Nuk ka stol për Antonio Konten këtë sezon? E atëherë, ish-trajnerin e Interit mund ta shohim në poltronët e një televizioni duke komentuar dhe analizuar. Ai mund të jetë tek “Sky Sport” për ta saktësuar.
Ky është informacioni që qarkullon në gazetën “Corriere dello Sport”, e cila flet për bisedime të avancuara mes gjigantit televiziv sportiv dhe trajnerit që shpalli kampion klubin zikaltër.
Do të komentonte Champions-in dhe do t’u drejtonte pyetje Alegrit, Inzagit, Guardiolës dhe Klopit. E imagjinoni vetë se çfarë spektakli do të ishte.
Megjithatë, ky mbetet gjithnjë Plani B, në rast se nuk do të vijë një kthesë e papritur dhe në tavolinën e ish-trajnerit të Juventusit mbërrin një ofertë joshëse për të drejtuar një klub.
