Anglezët po që dinë të festojnë… Ndaj, të gjithë mund ta imagjinonin se çfarë do të ndodhte në rast të një triumfi të “Tre Luanëve” në shtëpi, në këtë Europian.
Por, faktikisht, pandemia nuk lejon festa përtej orarit 23:30, ndaj ku mund të shfryhet e gjithë adrenalina në rast suksesi? Në shtëpi? Absolutisht jo, në pabe përpara krikllave të birrave dhe për t’i lënë tifozët të shpërthejnë euforinë e tyre hyn në skenë kryeministri Boris Xhonson.
Siç u raportua ditën e djeshme nga disa organe mediatike, qeveria është gati që të anulojë shtetrrethimin në mbrëmjen e 11 korrikut (data e finales së Europianit), në rast se Anglia shpallet kampione. Kjo do të thotë festë deri në agim për të gjithë anglezët.