Josep Gomez, portieri 36-vjeçar i Inter Eskaldes, i ka bërë thirrje skuadrës së tij që të bëjë kujdes sot ndaj Teutës.
Në një prononcim për portalin e klubit andorrian, ai thotë se e merituan plotësisht fitoren në ndeshjen e parë në Durrës, por sipas tij Teuta mbetet një ekip superior.
“Ishte një fitore e merituar kjo në turin e dytë të Ligës së Konferencës kundër Teutës. E kishim përgatitur shumë mirë ndeshjen dhe gjithçka shkoi sipas planit, deklaroi Gomez. Megjithatë, kualifikimi ende mbetet i hapur.
Teuta është një skuadër shumë e mirë dhe prej dekadash luan në një kampionat më superior se i yni. Kanë më shumë eksperiencë në arenën ndërkombëtare dhe kjo i bën të rrezikshëm. Fitorja 2-0 pa dyshim që na shton shpresat për kualifikimin, por duhet të bëjmë kujdes dhe të mos na kapë euforia”, tha portieri i Inter Eskalades.
