Milan Shkrinjar është një ndër lojtarët kyç të Interit duke qenë titullar i padiskutueshëm në mbrojtje vitet e fundit.
Në një intervistë për ‘’Gazzetta Dello Sport’’, sllovaku u ndal të fliste për disa tema aktuale në shtëpinë zikaltër si largimi i Kontes, ardhja e Simone Inzagit apo për shokët e skuadrës nga Barela tek rasti i Eriksen.
‘’Dua të fitojmë një tjetër kampionat këtë sezon, dhe pse nuk do të jetë e lehtë. Shpresoj gjithashtu të bëjmë mirë në Ligën e Kampionëve.
Largimi i Kontes më befasoi, por jemi të përqendruar në të ardhmen. Padyshim pas fitimit të titullit dëshira ishte të qëndronte, por Konte bëri zgjedhjen e tij dhe ne e falënderojmë për dy vitet e kaluar me ne. Simone Inzagi është i përgatitur dhe i nivelit të lartë, duam gjithashtu të arrijmë rezultate të mira me të’’, tha Shkrinijar.
Ndërsa për shokët e skuadrës, sllovaku u shpreh: ‘’Jam shumë i lumtur që Italia triumfoi në Europian dhe Barela me Bastonin do të rikthehen për të na ndihmuar. Rastin e Eriksenit po e ndiqja live në televizor dhe kisha shumë frikë me thënë të drejtën. Ndërsa sapër Hakimin do të më mungojë shumë, por ka të tjerë gati duhen hedhur sytë nga tregu’’, e mbylli fjalën e tij mbrojtësi zikaltër.
