Presidenti i Atletico Madrid, Enrique Cerezo, nuk e ka përjashtuar mundësinë e kthimit të Antonine Griezmann te Colchoneros.
“Nuk përjashtoj asgjë”, ka thënë ai për Cope. “Ajo që mund të themi është se nuk do të jetë një operacion i lehtë. Presim lajme, jo vetëm nga Griezmann, por edhe nga lojtarë të tjerë”.
Në lidhje me trajnerin Simeone, i cili ka rinovuar kontratën deri në 2024-ën:
“Them atë që kam thënë gjithmonë: Simeone mund të qëndrojë me ne për sa kohë dëshiron. Uroj që ta bëjë për një kohë të gjatë dhe që t’i sjellë Atletico Madrid-it suksese të tjerë”.
