Futbollisti shqiptar, Ezgjan Alioski është pranë transferimit tek gjigantët turq të Galatasarait.
Pasi mbylli kontratën me Lidsin në Angli, Alioski momentalisht është pa skuadër dhe po shqyrton ofertat nga disa ekipe të njohura europiane. Sipas agjentit Nikolo Shira, mbrojtësi anësor ka arritur marrëveshjen me Galatasarain për një kontratë 3-vjeçare dhe palët po punojnë për finalizimin e detajeve fundit.
29-vjeçari vjen pas një debutimi historik me Maqedoninë e Veriut në Europian ku arriti të shënojë dhe një gol, atë ndaj Ukrainës në sfidën në grupe.
