Sulmues i Kombëtares, Armando Broja ka udhëtuar me Çelsin drejt Dublinit në kuadër të fazës përgatitore para-sezonale.
Pasi shënoi dhe asistoi në një miqësore ndaj Peterburgut pak ditë më parë, Broja është bërë sërish protagonist. Londinezët kanë anuluar miqësoren me skuadrën e Drogheda dhe kjo ka bërë që Tuhel të ndajë skuadrën në dy grupe për të zhvilluar një test brenda ekipit.
Sfida përfundoi në barazim 1-1 dhe Broja realizoi golin e vetëm për skuadrën e tij, ndërsa tjetrin e realizoi talenti Kallum Hudson-Odoi. Një paraqitje fantastike e Brojës në këto përgatitje parasezonale të cilat mund të bindin drejtuesit londinezë të mos hidhen në kërkim të një sulmuesi me emër, por t’i japin një shans sulmuesit kuqezi.
