Artur Kabral, sulmuesi kryesor i Bazelit, shënoi një supergol kundër Partizanit.
Bomberi brazilian, vetëm 23-vjeç, shënoi golin e tij të 38-të me fanellën e Bazelit, duke realizuar me një rovershatë të shkëlqyer përballë “demave të kuq”.
Goli i Kabralit bëri menjëherë bujë në mediat sportive dhe videoja e golit të tij u shpërnda me shpejtësi në rrjetet sociale. Ekzekutimi ishte fantastik nga ana e sulmuesit brazilian, që shtangu mbrojtjen e kuqe dhe portierin Alban Hoxha.