Aleksander Ceferin, presidenti i UEFA-s, i ka mbyllur derën një tjetër Europiani si ky i Euro 2020.
Lajmërimi ka ardhur nga mikrofonat e BBC Sport:
“Nëse më pyesni mua, ju them se unë nuk do ta propozoja më një Europian që luhet në disa vende, sepse mendoj se është shumë i lodhshëm dhe jokorrekt në një farë mënyre”, ka thënë numri një i UEFA-s.
“Disa skuadra duhet të përshkojnë më shumë se 10 mijë kilometra dhe të tjera vetëm njëmijë, dhe kjo nuk është e drejtë për tifozët. Disa tifozë duhet të ishin në Romë dhe brenda dy ditësh duhej të shkonin në Baku, kështu nuk shkon”, ka shtuar Ceferin.
“Është një ide interesante, por e vështirë për t’u realizuar. Nuk besoj se do ta përsërisim në të ardhmen”.