PSG-ja ka bërë një merkato prej ‘’galaktikësh’’ këtë verë duke afruar emra si Hakimi, Uajnaldum, Serxho Ramos e së fundmi Donaruma i cili pritet të zyrtarizohet sapo të mbarojë Europiani.
Afrimi i Donarumas, e ka tërbuar portierin aktual Kejlor Navas i cili sipas ‘’L’equip’’ ka kërcënuar se do të largohet. Donaruma shikohet si konkurrent potencial nga numri një i portës së parisienëve, i cili tanimë rrezikon dhe vendin e titullarit.
Navas i ka kërkuar llogari drejtuesve të klubit për mungesë transparence pasi vetëm pak muaj më parë rinovuan kontratën me 34-vjearin nga Kosta Rika dhe ky i fundit nuk ka ndërmend të rrijë në stol. Megjithatë, PSG-ja nuk e përjashton mundësinë e huazimit të Donarumës për një sezon tek Roma për të qetësuar gjakrat në skuadër.
