Aktrimi i sulmuesit Çiro Imobile në sfidën Itali-Belgjikë ka nxitur reagime të shumta ku shumë e kanë kritikuar futbollistin e Lacios.
Një ndër ta dhe ish-futbollisti dhe legjenda angleze, Alan Shirer i cili nuk i kurseu kritikat në drejtim të Imobiles.
‘’Nuk më vjen për të qeshur me të sepse është patetike. Ju e patë se si hodhi vështrimin nga arbitri para se të kuptonte se çfarë ndodhi. Patetike dhe e turpshme, kjo është ajo që ai bëri’’, u shpreh Shirer.
Imobile u bë protagonist tek goli i parë i Italisë, pasi pas një pretendimi për penallti nga ana e sulmuesit italian, Barela shënoi në aksion e sipër dhe Imobile u çua menjëherë për të festuar. Një gjest ky që bëri xhiron e botës.
