Paris Saint-Germain ka mposhtur pa probleme Crvena Zvezda-n dhe ka siguruar kalimin në 1/8-at e Champions League. Portieri i francezëve, Gianluigi Buffon, ka cilësuar ish-ekipin e tij, Juventus-in, si ekipin më të fortë të Champions-it.
Buffon ka thënë shpesh se shpreson të përballet me “Zonjën” në Champions League, me kusht që të mos jetë në finale” “Juventus, më e forta në Champions? Po, ka dhënë sinjale të qarta force, por këtë nuk e zbulojmë tani. Edhe në vitet e kaluar kemi qenë mes ekipeve më të forta për sa i takon mentalitetit”, ka thënë italiani.
“Për me tepër, në këtë sezon kanë edhe Ronaldo-n. Është e qartë se Juventus-i është skuadra që askush nuk ka dëshirë ta ketë përballë”.
