Me Eni Imamin që u largua drejt Dinamos, Vllaznia ka siguruar menjëherë shërbimet e mbrojtësit senegalez Fallu Dianje.
Dianje është një lojtar me mjaft eksperiencë dhe është aktivizuar tek disa skuadra me emër si Verder Bremen në Gjermani dhe Metzi në Francë.
31-vjeçari do të zër vendin e Eni Imamit që u largua drejt Dinamos. Një goditje për skuadrën shkodrane e cila vazhdon afrimin e elementëve cilësor për të krijuar një skuadër sa më kompetitive sezonin tjetër.
Postimi i Vllaznisë
VLLAZNIA FIRMOS ME FALLOU DIAGNE
Mbrojtësi Fallou Diagne nga sot është pjesë e KF Vllaznia. Mbrojtësi senegelaz me nënshtetësi franceze ka firmosur një kontratë me klubin tonë dhe do të jetë pjesë e tij për sezonin e ardhshëm futbollistik. Ne shpresojmë që përvoja e jashtëzakonshme që ai ka fituar gjatë karrierës së tij, të vihet në shërbim të skuadrës tonë, për arritjen e objektivave që ajo do të ketë në sezonin e ri.
Mirë se erdhe Fallou Diagne!
Welcome Fallou Diagne!